Ad, soyad: Fəriqə Məmmədzadə
Təhsil: Bakı Musiqi Akademiyası, musiqişünas, doktorant
Fəaliyyət dairəsi: Müəllimə və YouTuber
Uğurlar: Həyata möcüzə kimi yanaşa bilmək
Kitab
– Sizin üçün kitab nədir?
– Yeni düşüncələrə, dünyalara səyahət.
– Hamıya məsləhət görə biləcəyiniz kitab?
– Qriqoriy Petrov : “Ağ zanbaqlar ölkəsində”.
– Zibil qabına atmaq istədiyiniz və muzeydə saxlamaq istədiyiniz kitab?
– Zibil qutusuna atmaq deməyim amma təkrar emala göndərmək istədiyim kitablar az deyil. Kitablar muzeylərdə saxlanılmamalıdır. Oxunulmalı, oxutdurulmalıdır.
– Ən çox bəyəndiyiniz nəşriyyat və üzqabığı?
– Qalın cildli, minimalizm üslubunda olan üz qabıqlarını bəyənirəm.
Karandaş
– Sevimli yazıçılarınızın ortaq cəhəti?
– İradəmin sərhədlərini genişləndirməkləri.
– Sizi ilhamlandıran yazıçılar
– Böyüklər üçün yazılmış uşaq kitablarının müəllifləri.
– Birinci yoxsa sonuncu cümlə?
– Da capo all fine.
– Oxumaq yoxsa yazmaq?
– Əvvəl oxumaq, daha sonra yazmaq.
– Ən qısa hekayəniz
– Yazıçı deyiləm.
– Qəhrəmanı olduğunuz əsərin janrı?
– Qəzəl.
– Protaqonistiniz haqqında danışın
– Parisdə yaşamaq istəyir.
Kitabı Karandaşla Oxuyanlar
– KKO-nun ən çox xoşladığınız və uğurlu saydığınız cəhətləri
– Bir kitabın fərqli dillərdə elektron versiyasını yerləşdiməyiniz və kitabları yaymağa və sevdirməyə qarşı olan inadkarlığınız.
– KKO-nun bəyənmədiyiniz xüsusiyyətləri və saytda görmək istədiyiniz yeniliklər
– Bəyənmədiyim xüsusiyyətiniz yoxdur. Yuxarıda qeyd etliyim inadkarlığınızın daha da artmasını istərdim.
